Не забірай жыцьцё!
2013 24/10

“Кожны мае права на свабоду мірных сходаў…”
З арт. 20 Усеагульнай дэклярацыі правоў чалавека.

Нягледзячы на тое, што права на свабоду сходаў гарантаванае Канстытуцыяй Рэспублікі Беларусь і агульнапрызнанымі міжнароднымі стандартамі ў галіне правоў чалавека, шматлюдныя і тым больш санкцыянаваныя масавыя мерапремствы адбываюцца ў нашай краіне вельмі рэдка – тры разы на год.

Калі хочаце паназіраць, якім чынам рэалізуецца права на свабоду сходаў у Беларусі, якія асаблівасьці правядзеньня масавага мерапрыемства паводле нацыянальнага заканадаўства, у якіх выпадках гэтае права можа быць абмежаванае – далучайцеся да сумеснага назіраньня Праваабарончага цэнтру “Вясна” і Беларускага Гэльсынскага камітэту!

Мы прапануем прайсьці навучаньне па назіраньні як форме грамадзкага кантролю ўвечары 29 кастрычніка (аўторак, з 19.00 да 20.30), а таксама паўдзельнічаць у назіраньні за традыцыйным шэсьцем і мітынгам памяці продкаў «Дзяды» 3 лістапада (нядзеля).

Для ўдзелу ў назіраньні неабходна:

1. запоўніць заяўку;

2. прайсьці трэнінг па назіраньні 29 кастрычніка – па выніках можна будзе атрымаць пасьведчаньне назіральніка ад БГК;

3. прыняць удзел у назіраньні 3 лістапада з запаўненьнем анкеты назіральніка.

Да таго ж, назіральнікі павінны прытрымлівацца прынцыпаў назіраньня, пазначаных у анкеце.

Увага! Грамадскае назіраньне адбываецца на добраахвотнай аснове, як функцыя і асабістая пазыцыя ўдзельнікаў, і не аплочваецца арганізатарамі!

Па ўсіх пытаньнях зьвяртайцеся на электронную скрыню: viasnapryjdzie@gmail.com.

Паводле licviny.info

Цэтлікі: ,

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>