2015 26/03

700DSC_4277Збор удзельнікаў сьвяткаваньня быў прызначаны на 15:00 каля кінатэатру «Кастрычнік» (ст. м. «Акадэмія навук»), пасьля заплянаванае шэсьце да парку Дружбы Народаў, дзе павінен быў адбыцца сьвяточны мітынг а 17:00.

Першапачаткова збор удзельнікаў плянаваўся а 17:00, але Менскі гарвыканкам перанёс пачатак акцыі на дзьве гадзіны раней.

Нягледзячы на тое, што акцыя адбывалася ў працоўны час, колькасць людзей, якія ўзялі ў ёй удзел, была значнай – падчас збору фіксавалася да 950 чалавек, у часе шэсця колькасць удзельнікаў дасягала 2000 чалавек.

Удзельнікі прынесьлі бел-чырвона-белыя сьцягі, сьцягі Украіны і Эўразвязу. Цэнтральнай тэмай мерапрыемства стала салідарнасьць з Украінай. Сярод вялікай колькасьці плякатаў і сьцягоў быў заўважаны банэр „Расея – гэта вайна”.

– Расея праводзіць сёньня палітыку агрэсыі да брацкіх народаў.

– У Расеі дыктатура такая ж самая, як і ў Беларусі, таму мы і выйшлі за тое, каб падтрымаць, як наш народ, так і расейскі, які за свабоду.

– У мяне ў самога вельмі шмат родных у Данецку. Расея фактычна разьвязала вайну ва Украіне, яны забіваюць людзей, таму Расея – гэта вайна.

Прыгадайце Грузію, прыгадайце Абхазію, Паўднёвую Асетыю. Калі яны неслі мір? Прыгадайце Прыбалтыку, Прагу, прыкладаў вельмі шмат. У іх СМІ ўжо зьявілася інфармацыя, што Віцебск, Магілёў, Гомель да нас былі далучаны няправільна. З такіх жа размоваў пачыналася гісторыя з Крымам, вось менавіта таму Расея – гэта вайна, яны не нясуць за сабой нічога добрага.

ВІДЭА – ТУТ

Рэкамэндацыі маніторынгавай групы

(па выніках назіраньня за мерапрыемствам у Менску)

  • Арганізатарам:

* Ажыцьцяўляць больш актыўную камунікацыю з праваахоўнымі ворганамі ды ўдзельнікамі, асабліва зьвярнуць увагу на забесьпячэньне безперашкоднага руху праз перакрыжаваньні й пры патрапленьні на месца правядзеньня мітынгу. Па магчымасьці арганізоўваць дружыну.

  • Мінгарвыканкаму:

* Не абмяжоўваць безпадстаўна права на мірныя сходы, не дэвальваваць права адвольнымі зьменамі часу правядзеньня масавага мерапрыемства і накладаньнем вялікіх абавязкаў на арганізатараў па аплаце грамадзкага парадку, працы санітарных і мэдычных службаў;

* спыніць практыку безпадстаўных адмоваў у правядзеньні мірных сходаў.

  • Супрацоўнікам праваахоўных ворганаў:

*спыніць пасьлядоўную практыку адвольных затрыманьняў удзельнікаў падчас і пасьля мірных сходаў;

* у адпаведнасьці з арт.5 Закону Рэспублікі Беларусь “Аб ворганах нутраных справаў” “дзейнасьць ворганаў нутраных справаў зьяўляецца галоснай”. Кіруючыся гэтай нормаю, прапануем, каб усе супрацоўнікі ажыцьцяўлялі ахову грамадзкага парадку падчас масавых мерапрыемстваў у форменнай вопратцы, а таксама былі пазначаныя ідэнтыфікацыйнымі сродкамі (бэйджамі ці нагруднымі знакамі);

* абазначаць кантактную асобу з ліку супрацоўнікаў міліцыі для камунікацыі з назіральнікамі, СМІ і арганізатарамі масавага мерапрыемства;

* забясьпечыць безперашкодны рух калёны ўдзельнікаў праз перакрыжаваньні са спыненьнем руху транспартных сродкаў.

  • Суб’ектам, якія валодаюць правам заканадаўчай ініцыятывы:

* ініцыяваць зьмены ў беларускае заканадаўства з мэтай прывядзеньня яго ў адпаведнасьць ьз міжнароднымі стандартамі ў галіне свабоды мірных сходаў.

Цалкам справаздачу маніторынгавай групы па назіраньні за мерапрыемствам можна ўбачыць тут.

*

ФОТАРЭПАРТАЖ

(мабільныя запампоўкі)

700DSC_4268

700DSC_4276
700DSC_4277



Паводле Радыё Рацыя ды spring96.org,
Падрыхтаваў Алесь ЛЕТА,
Беларускі Праўны Партал
www.prava-by.info

Videa:
AlVistud,
Licviny-INFA

Цэтлікі: , , , , , ,

2 thoughts on “ДЗЕНЬ ВОЛІ – 2015 у Менску (фота, відэа, рэкамэндацыі маніторынгу) #25sakavika”

Leave a Reply

Your email address will not be published. Required fields are marked *


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>