2009 21/03
А. Бяляцкі

А. Бяляцкі

У заяве Алесь Бяляцкі просіць міністэрства прадставіць інфармацыю аб мерах, прынятых у сувязі з рашэньнем Камітэту па правах чалавеку ААН аб парушэньні дзяржаваю права на свабоду асацыяцыяў у выніку ліквідацыі ПЦ “Вясна”. Таксама Алесь Бяляцкі просіць прыняць меры, скіраваныя на выкананьне міжнародных абавязальніцтваў, якія прыняла на сябе Рэспубліка Беларусь, ратыфікаваўшы Пакт аб грамадзянскіх і палітычных правах і Факультатыўны Пратакол да яго. (далей – правапіс першакрыніцы)

Заява

Я, Бяляцкі Аляксандр Віктаравіч, з’яўляюся старшынём Рады Грамадскага аб’яднання “Праваабарончы цэнтр “Вясна”, які быў ліквідаваны паводле рашэння Вярхоўнага Суда Рэспублікі Беларусь ад 28 кастрычніка 2003 г.

Палічыўшы дадзенае рашэнне Вярхоўнага Суда парушэннем свабоды асацыяцыяў і не знайшоўшы належнай прававой абароны на нацыянальным узроўні, дзесяць заснавальнікаў Грамадскага аб’яднання “Праваабарончы цэнтр “Вясна” скарысталіся сваім канстытуцыйным правам і звярнуліся з індывідуальным зваротам у Камітэт па правах чалавека ААН.

24 ліпеня 2007 г. Камітэт па правах чалавека ААН прыняў Меркаванні па дадзеным індывідуальным звароце (нумар паведамлення 1296/2004 г.)

Паводле Меркаванняў Камітэт лічыць, што інфармацыя, якой ён валодае, выявіла парушэнне дзяржавай-удзельніцай артыкула 22 пункта 1 Міжнароднага Пакта аб грамадзянскіх і палітычных правах. Камітэт прыйшоў да высновы, што згодна з артыкулам 2 пункт 3 (а) Пакта аўтар і сааўтары маюць права на адпаведныя сродкі прававой абароны, якія ўключаюць у сябе перарэгістрацыю “Вясны” і кампенсацыю. Таксама абавязкова прыняць меры для прадухілення здзяйснення падобных парушэнняў у будучым.

Трэба адзначыць, што на момант падачы гэтай заявы ніякіх прававых захадаў з боку афіцыйных органаў Рэспублікі Беларусь па аднаўленню парушаных правоў так зроблена і не было.

У той жа час варта нагадаць, што, стаўшы ўдзельнікам Факультатыўнага Пратакола, дзяржава-удзельніца прызнала права Камітэта вызначаць, ці мела месца парушэнне Пакта ці не, і тое, што згодна з арт. 2 Пакта, дзяржава-удзельніца абавязалася гарантаваць кожнай асобе на яе тэрыторыі ці падпадаючай пад яе юрысдыкцыю права, прызнаныя Пактам, і забяспечваць эфектыўныя сродкі прававой абароны, калі было вызначана, што парушэнне мела месца.

Акрамя таго, абавязак дзяржавы выконваць палажэнні Міжнароднага Пакта аб грамадзянскіх і палітычных правах, а таксама Меркаванняў Камітэта вынікае з арт. 27 Венскай канвенцыі “Аб міжнародных дамовах”.

Паводле п. 5.11 Палажэння аб міністэрстве замежных спраў Рэспублікі Беларусь, зацверджанага Пастановай Савета Міністраў Рэспублікі Беларусь 31.07.2006 г. № 978, на міністэрства замежных спраў ускладзены абавязак па кантролю за выкананнем міжнародных дамоваў Рэспублікі Беларусь дзяржаўнымі органамі Рэспублікі Беларусь і аказваць садзейнічанне ў выкананні міжнародных дамоваў Рэспублікі Беларусь.

Зыходзячы з вышэйуказанага прашу:

1. Прадставіць мне інфармацыю аб мерах, якія былі прынятыя міністэрствам па выкананню Меркавання Камітэта па правах чалавека ААН (нумар паведамлення 1296/2004 г.) ад 24 ліпеня 2007 г.

2. У межах кампетэнцыі Міністэрства замежных спраў прыняць меры, скіраваныя на выкананне згаданага Меркавання і міжнародных абавязацельстваў, якія прыняла на сабе Рэспубліка Беларусь, ратыфікаваўшы Пакт аб грамадзянскіх і палітычных правах і Факультатыўны Пратакол да яго.

Правапіс першакрыніцы.
http://spring96.org/be/news/27701/

Цэтлікі: , ,

Leave a Reply

Your email address will not be published. Required fields are marked *


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>