Валянтэрская служба ПЦ “Вясна” набірае новых назіральнікаў на масавыя мерапрыемствы й прапануе дыстанцыйнае й вочнае навучаньне.

Бліжэйшыя мерапрыемствы пройдуць 25 сакавіка й 26 красавіка ў Менску.

Мірныя сходы ў Беларусі маюць жорсткія прававыя межы. Па адзнаках экспэртных міжнародных установаў, беларускі закон аб масавых мерапрыемствах не адпавядае міжнародным стандартам правоў чалавека.

Ці так гэта насамрэч? Што можна палепшыць? І што дакладна адбываецца ў нас?

На гэтыя пытаньні можна адказаць пры дапамозе назіраньня за мірнымі сходамі.

• Да ўдзелу запрашаюцца ўсе зацікаўленыя.

Каб прыняць удзел, неабходна зарэгістравацца на старонцы відэакурсу й чакаць ліст з пачатковай інфармацыяй. Неабходна прайсьці 2 часткі відэакурсу й вочны інструктаж-сэмінар 23 сакавіка а 19.00 у Менску.

Апошні тэрмін падачы заявак: 21 сакавіка 2016 г.

Па матэрыалах разсылкі Ассамблеі НДА Беларусі,
Падрыхтаваў Алесь ЛЕТА,
Беларускі Праўны Партал,
www.prava-by.info

ФОТА: Аляксей Лапіцкі (25 сакавіка 2014 году)

Цэтлікі: акцыі, Дзень Волі 2016, Менск, назіраньне, правы чалавека, свабода мірных сходаў