Віншаваньні ад Выканаўчага Бюро ды Рабочае групы Асамблеі НДА Беларусі.

Сёньня свой дзень народзінаў за кратамі сьвяткуе старшыня праваабарончага цэнтру “Вясна”, віцэ-старшыня Міжнароднай фэдэрацыі правоў чалавеку, літаратуразнаўца, адзін з заснавальнікаў Асамблеі НДА Алесь Бяляцкі. Мужны чалавек, чалавек з высокай чалавечай годнасьцю. Шчыра жадаем Вам найхутчэйшага вызваленьня, непахіснасьці, мужнасьці й добрага настрою, нягледзячы на месца, дзе Вам сёньня даводзіцца сьвяткаваць Дзень народзінаў. Але Вы жыцьцялюб і пазытыўны чалавек. Не губляйце свайго аптымізму. Чакаем Вас на Волі!

Сябры рабочае групы Асамблеі дэмакратычных НДА Беларусі таксама 23.09.2011 падпісалі й адправілі Алесю Бяляцкаму вялікую віншавальную адкрытку, у якой кожны змог напісаць колькі цёплых словаў праваабаронцу, вымушанаму сустракаць свой 49 год нараджэньня за кратамі.

Алесь ЛЕТА,
Беларускі Праўны Партал,
by.prava-by.info

Цэтлікі: крымінальная справа Алеся Бяляцкага, праваабаронцы