ПРАПАНУЮ ТУТ:

1) ВЫСТАЎЛЯЦЬ СПАСЫЛКІ НА АРТЫКУЛЫ адносна любых відаў перасьледу ПРАВААБАРОНЦАЎ, актывістаў грамадзянскай супольнасьці, простых ініцыятыўных грамадзянаў …

2) выказвацца самім і запрашаць сваіх сяброў, калегаў, камэнтаваць адзначаныя артыкулы, а таксама выказвацца адносна іх тут на форуме …

3) выказвацца ў камэнтах пад артыкуламі, а таксама тут, на форуме, як па канкрэтных выпадках перасьледу, гэтак і па адзначанай агульнай, вельмі актуальнай для сучаснае Беларусі тэматыцы …

Мяркую, што падобная неабыякавасьць і актыўнасьць будзе з удзячнасьцю ўспрынятая пацярпелымі ад перасьледу й зможа хоць неяк падтрымаць іх у складанай сытуацыі праўнай абароны й супрацьстаяньня з рэжымам – ЗА ЎЛАСНЫЯ ПЕРАКАНАНЬНІ, ЗА ГРАМАДЗЯНСКІЯ Й ПАЛІТЫЧНЫЯ ПРАВЫ Й СВАБОДЫ, ЗА ПРАВА – "ЛЮДЗЬМІ ЗВАЦЦА" ва ўласнай краіне.

Артыкулы салідарнасьці й падтрымкі (калі яны маюць аб’ём да 2-3 старонак) можна выстаўляць у гэтым разьдзеле форуму, а таксама дасылаць для публікацыяў на эл.адрэсу: wwwadvart@gmail.com

У гэтым кантэксьце – прапаную таксама зьвярнуць увагу на спэцыяльны разьдзел дадзенага інфарэсурсу ПРАЎНАЯ САЛІДАРНАСЬЦЬ, дзе згрупаваныя ўсе адпаведныя інфаматэрыялы, да якіх можна далучаць уласныя камэнты.

Бацькі Янкі Лапіцкага дамагліся працягу навучаньня сына на роднай мове (by.prava-by.info/archives/3172)

Думаецца інфаматэрыял варты ўвагі, бо адбылася чарговая лякальная й верагодна часовая, але вельмі важная перамога ў справе адстойваньня права на адукацыю, якасную гімназычную адукацыю ў Беларусі й па-беларуску …

Перамога праваабаронцаў у супрацьстаяньні з уладаю, якая такім чынам спрабуе аказваць уплыў і шантажаваць актывістаў гамадзянскай супольнасьці для дасягненьня вядомай ёй такіх жа неправамерных мэтаў, як і самі сродкі іх дасягненьня.

Прымусіць маўчаць альбо адмовіцца ад уласных перакананьняў дзеля захаваньня статус-кво – уплываць праз дзяцей – асноўная задача ідэолягаў падобнага ганебнага палітычна матываванага перасьледу.
***

Не ўсё так проста … Шэраг высакопастаўленых службоўцаў прымусілі ніжэйшых па рангу, ня гледзячы ні на што, выконваць плянавае выцісканьне беларускай мовы з адукацыйнае сфэры ў Жодзіне.

У выніку, беларускамоўнага юнака так і не пусьцілі ў Гімназыю нават коштам парушэньня пастановы Камісыі па справах непаўнагадовых, якая абавязала кіраўніцтва ГАА і Гімназыі №1 у Жодзіне данавіць беларускамоўнае навучаньне на базе Гімназыі №1.

Дырэктар Гімназыі №1 Генадзь Каршун спаслаўся на тэлефанаваньне "высокай асобы" зь Менску, а кіраўніцтва ГАА на тое, што фармальна пастанова Камісыі тычылася "аднаўленьня беларускамоўнага навучаньня, а не ягонага працягу" …"Мы выканалі гэтую пастанову – Янка вярнуўся ў Гімназыю. Але потым былі іншыя распараджэньні. Ад каго мы сказаць не можам …", – такія тлумачэньні можна было пачуць ад намесьніка Жодзінскага ГАА сп.Шульжыка і кіраўніка Я.Гарыда.

Што гэта – спэцыфічная намэнклятурна-бюракратычная  тупасьць альбо нахабны цынізм, сьвядомы разьлік на працяг гвалтоўнага ўціску на іншадумцаў, праваабронцаў … 

Глядзі, мол, нішто вам не дапаможа – ні закон, ні суд … У краіне ёсьць толькі адзін закон і адно права. Ні канстытуцыя, ні Міжнароднае права правоў чалавека для грамадзянаў Беларусі не дзейнічае, калі гэтае права не ўпісваецца ў інтарэсы й пляны аўтарытарнай сыстэмы … 

Хочаш спакойна жыць, ці існаваць, карыстацца сваім правам … – станавісь як усе, у правільную чаргу, будзь правільна "гаварашчым" і не высовывайся …

Так і выхоўвае сыстэма "сваіх" … "Людзі ў футляры" – не пэрсанажы клясыку, а жыхары незалежнае эўрапейскае Беларусі – пладзяцца тут, у цэнтры свабоднага кантынэнту ды з дапамогаю гэбэльсаўскіх мэтадаў ставяцца ў шэрагі "правільнага", маўклівага электарату ў бязконцым працэсе самапрызначэньня ўладаю самой сябе на такіх жа "правільных і самых свабодных у сьвеце выбарах" …

Але ці назаўсёды!?