Тут прапануецца (праваабаронцам, юрыстам, адвакатам, экспэртам права…) выказваць свае думкі й прапановы, канкрэтныя парады па адкрытых для абмеркаваньня пытаньнях выпрацоўкі найлепшых (на вашую думку) накірункаў і падыходаў, спосабаў праваабарончых дзеяньняў і публічнага адстойваньня (адвакатаваньня) правоў і грамадзянскіх інтарэсаў з улікам адкрытых сёньня для грамадзянаў Беларусі міжнародных дамоўных экспэртных ворганаў ААН, такіх як Камітэт па Правах Чалавека – КПЧ ААН.

Гэта неабходна для:

– аптымізацыі супольных намаганьняў па пасьлядоўным прасоўваньні адпаведных грамадзянскіх інтарэсаў і эфэктыўнай абароне актуальных у грамадзтве правоў і свабодаў,

– дасягненьня рэальнага выкананьня ўладамі Беларусі адпаведных нормаў дзейснай Канстытуцыі, міжнародных абавязальніцтваў Рэспублікі Беларусь па міжнародных дамовах у галіне правоў чалавека (такіх, як Міжнародны Пакт аб грамадзянскіх і палітычных правах, МПГіПП),

– належнай імплемэнтацыі ў нацыянальную судовую практыку й заканадаўства адпаведных міжнародных стандартаў права правоў чалавека і нормаў бязьдзейснага сёньня па сутнасьці тут Асноўнага Закону Рэспублікі Беларусь.

ПРЫКЛАДНЫЯ ПЫТАНЬНІ …

Як лепей у гэтым кантэксьце арганізаваць ці аптымізаваць працэс зваротаў у КПЧ ААН, а ў пэрспэктыве ў ЭСПЧ, каб у выніку больш эфэктыўна прасоўваліся адзначаныя вышэй інтарэсы й дасягаліся наступныя мэты (?):

• абаранялася парушанае права пацярпелага (-ых);

• спынялася неправамерная практыка …;

• ўносіліся зьмены ў судовую практыку й дзейснае заканадаўства;

• Рэспублікай Беларусь (ейным дзейсным Урадам) прызнаваліся й выконваліся рашэньні КПЧ ААН;

• у Беларусі пачыналі працаваць і рэальна дзейнічалі:    

1) Канстытуцыя ды ейныя праўныя імпэратывы;           

2) міжнародныя дамовы ў галіне правоў чалавека – такія, як Міжнародны Пакт аб грамадзянскіх і палітычных правах (МПГіПП), – ды замацаваныя ў іх адпаведныя міжнародныя стандарты права?